ब्लु डाइमण्ड स्कूलमा देऊसी भैलो प्रतियोगिताको समापन

तीनधारे महानदी समष्टि अन्तर्गत घैयाबारीको ब्लु डाइमण्ड अंग्रेजी स्कूलमा विद्यार्थीहरुलाई लिएर आयोजित देऊसी भैलो प्रतियोगिता समापन भयो। स्कूलको चारवटा हाउसहरुलाई लिएर आयोजित देऊसी भैलो प्रतियोगिता कार्यक्रममा विद्यार्थीहरुले‌ जातीय पहिरनमा रहेर प्रस्तुति दिएका थिए। यस प्रतियोगितामा स्कूलको चारवटा हाउसहरु क्रमैले क्यामेलिया, मेरीगोल्ड, अर्किड र लोटसका विद्यार्थीहरुले भाग लिएका थिए। शिक्षिकाद्वय पूर्णिमा छेत्री र सुप्रिया राईले सञ्चालन गरेको यस प्रतियोगितामा निर्णायकको रुपमा शिक्षिकाहरु क्रमैले प्रेरणा गुरुङ, बिनुमा राई, सुबला छेत्री, कुर्साङ लामा आदि रहेका थिए। यस प्रतियोगितामा ब्लु डाइमण्ड अंग्रेजी स्कूलका निर्देशक बीबी थापा र प्रोप्राइटर लिला थापा विशेष रुपमा उपस्थित रहेका थिए। यस प्रतियोगिता अन्तर्गत देऊसीमा अर्किड हाउस विजय बन्यो भने भैलोमा लोटस र मेरीगोल्ड बराबर भएकोले दुवैलाई विजय घोषित गरियो। यस प्रतियोगितामा विजय प्रतियोगीहरुलाई स्कूलका निर्देशक बीबी थापा र प्रोप्राइटर लिला थापाको बाहुलीबाट ट्रफीहरु प्रदान गरिएको थियो। यस प्रतियोगिता विषयमा स्कूलकी सह शिक्षिका पूर्णिमा छेत्रीले विस्तृत रुपमा जानकारी गराएकी थिइन्।