भानु वेलफेयर संगठनद्वारा 18 नम्बर वार्डमा फलका बिरुवा रोपियो

Share this news

खरसाङ, 6 जुलाई (निसं)ः विश्‍व वातावरण सप्ताहको अवसरमा भानु वेलफेयर संगठनका महिलाहरूले आइतवार खरसाङ नगरपालिकाको 18 नम्बर वार्डमा वृक्षरोपण कार्यक्रम सम्पन्न गरेका छन्। संगठनका सदस्यहरूले कमानको बाटो छेउमा विभिन्न फलका बिरुवा रोपेका छन्। संगठनकी सचिव सरोज चौहानले यस कार्यक्रमको बारेमा जानकारी दिँदै भनिन्, गत वर्ष जस्तै यस वर्ष पनि हामीले फलका बिरुवाहरू रोपेका छौँ। भविष्यमा जब बोटले फल दिन थाल्छ, बाटोमा हिँड्ने सबैले फलको स्वाद लिन सक्नेछन्। उनले अझ भनिन्, हामी हरेक वर्ष बिरुवा रोप्छौँ तर रोपिएको बिरुवाको अवस्थाबारे खासै ध्यान दिँदैनौँ। तर हाम्रो संस्थाले विगतमा रोपेका प्रायः सबै बिरुवा अहिले हुर्केका छन्। आज हामीले ती पुराना बिरुवाहरूको गोडमेलसमेत गरेका छौँ। संगठनकी अध्यक्ष शशी थापाले वृक्षरोपण कार्यक्रम संस्थाका दिदी-बहिनीहरूका लागि वातावरण संरक्षणमा एकसाथ जुट्ने अवसर भएको बताइन्। तिनले भनिन्, हाम्रो सदस्य संगीता शर्माले विरुवाको जोहो गरिदिइन्। अन्य सदस्यले मल र बारको व्यवस्था गरे। हामी एक्लै होइन, सँगै मिलेर काम गर्न रुचाउँछौँ। त्यसैले स्थापना भएको 6 वर्षपछि पनि सबै सदस्य संस्थासँग जोडिएका छन्। आज वृक्ष रोपण कार्यक्रममा शशी थापा आले, सरोज चौहान, सविना प्रधान, संगीता शर्मा, सुष्मा सुब्बा, गीता छेत्री र ज्योति राई रहेका थिए। भानु वेलफेयर संगठन महिलाहरूद्वारा स्थापित तथा सञ्चालित गैरराजनीतिक संस्था हो। संगठनले वार्डमा निःशुल्क स्वास्थ्य शिविर, जनचेतना कार्यक्रम, वार्ड सफाइ, रोगी सहायता लगायतका कार्यक्रम गर्दै आएको छ। संस्थाले आफ्नो स्थापना दिवस भानु जयन्ती अर्थात् 13 जुलाईका दिन मनाउने गर्छ।


Share this news
आजको रोजाइ
सांसद विष्टको “वार्तालाप- ग्रामीण मिडिया कार्यशाला” मा सम्बोधन

सांसद विष्टको “वार्तालाप- ग्रामीण मिडिया कार्यशाला” मा सम्बोधन

मिट एन्ड हेयर, कवि सम्मेलन र पीपल एन्ड बुक आयोजित

मिट एन्ड हेयर, कवि सम्मेलन र पीपल एन्ड बुक आयोजित

लोक संगीतको मेरुदण्ड ‘मारूनी’ जोगाउँदै के बी वातर

लोक संगीतको मेरुदण्ड ‘मारूनी’ जोगाउँदै के बी वातर

माल्तुम-दश नम्बर सडक निर्माणको लागि शिलान्यास

माल्तुम-दश नम्बर सडक निर्माणको लागि शिलान्यास

सांसद राजु बिष्ट सुवेन्दु अधिकारीसँग पुगे ऋचा घोषको घर

सांसद राजु बिष्ट सुवेन्दु अधिकारीसँग पुगे ऋचा घोषको घर

सब-इन्स्पेक्टर भर्तीमाथि CAP र SDF को झुटो आरोप

सब-इन्स्पेक्टर भर्तीमाथि CAP र SDF को झुटो आरोप

दिलीपकुमार बराइली जस्ता एक योग्य भरपर्दो व्यक्तिलाई समाजले गुमायोः जागृति परिवार

दिलीपकुमार बराइली जस्ता एक योग्य भरपर्दो व्यक्तिलाई समाजले गुमायोः जागृति परिवार

पार्मटी अध्नयक्ष  घिसिङ अनि अन्य नेतृत्वहरूले दिल्लीमा निभाउन पर्ने भूमिका निभाउदैछन्ः गोरामुमो

पार्मटी अध्नयक्ष घिसिङ अनि अन्य नेतृत्वहरूले दिल्लीमा निभाउन पर्ने भूमिका निभाउदैछन्ः गोरामुमो

टासी साम्तेनलिङ गुम्बामा पाँच दिवसीय तारादेवी पूजा समापन

टासी साम्तेनलिङ गुम्बामा पाँच दिवसीय तारादेवी पूजा समापन

बाईपास रोडको हावा घर सोचनीय बन्दैछ

बाईपास रोडको हावा घर सोचनीय बन्दैछ

आजको रोजाइ