आयुष लामा आफ्नो प्रतिभा देखाउन मुम्बई जाने

द भोइस कीड्स अफ नेपाल सीजन थ्रीका फाइनलिस्ट आयुष लामा मुम्बई सोनी च्यानलको जुनियर इन्डियन सुपर स्टार सिङ्गर प्रतियोगितामा जाने भएका छन्। आगामी जनवरीबाट थालिने उक्त प्रतियोगिताको लागि आयुषले पूर्ण तम्तयारी गरिरहेका छन्। खरसाङ रेलवे स्टेशनकै छेउमा बस्दै आएको दम्पति श्वेता-दावा लामाका प्रतिभाशाली गायक आयुष लामा खरसाङकै सनसाइन स्कूलको गर्व र आठौं श्रेणीका विद्यार्थी हुन्। आयुषमा बागिनाकी सदस्य, आमा श्वेता र मामा सूरज कुमार, सङ्गीतकार रुपेश रसाइली आदिको आशीर्वादले सङ्गीतमा उत्तरोत्तर प्रगति गरिरहेका छन् भने, सङ्गीतको सबै तहको प्रशिक्षण गुरू गोविन्दसिंह घतानीबाट सिकिरहेका छन्। आयुषका सबै शुभचिन्तकहरूले मुम्बईमा पनि उनले आफ्नो प्रतिभा सुपर स्टारको रुपमा प्रस्तुत गर्ने बताएका छन्।