मिरिक स्नोड्रप स्कूलको पाचौं श्रेणीकी विद्यार्थी प्रज्ञा डोल्मा तामाङ छिमेकी देश नेपालमा भइरहेको गायन प्रतियोगिता सारेगामापा लिटल च्याम्पको फाइनलमा पुगेपछि उनलाई प्रतियोगितामा विजय बनाउन अनि भोटको अपील गर्न स्नोड्रप स्कूल पनि अघि आएको छ। स्कूलमा बिहीबार एउटा कार्यक्रमको आयोजना गरेर स्कूलका अध्यक्ष भुवनिस राईले प्रज्ञाको उपलब्धिले हामी धेरै हर्षित भएको बताउँदै उनको यो उपलब्धिले स्कूल परिवारले गर्वबोध गरेको बताए। उनी प्रतियोगितामा विजयी बनेकी हामी हेर्न चहान्छौं, यसका लागि स्कूल परिवार अनि विद्यार्थीहरू पनि लागिपरेका छन्। यसैले हामी स्नोड्रप स्कूलको पक्षबाट सबैलाई प्रज्ञाको पक्षमा खल्ती एप्सबाट भोट गरिदिने अनुरोध गरे। तिनले यसभन्दा अघि पनि उक्त स्कूलका आश्मिक खवास भोइस अफ नेपाल किट्सको सेमी फाइनलमा पुगेर स्कूलको नाम उच्च पारेको जानकारी गराउँदै स्कूले विद्यार्थीहरूलाई गुणस्तरीय किताबी ज्ञानमा मात्रै सीमित नराखेर फूटबल, भलिबल लगायत संगीत, कला, साहित्य आदि क्षेत्रमा पनि अग्रसर गराइरहेको बताए। यता प्रज्ञा डोल्मा तामाङले स्कूलले आफूप्रति देखाएको मायाप्रति आभार प्रकट गर्दै सबैको साथ र सहयोग पाए प्रतियोगितामा अवश्य नै बिजय बन्ने बताइन्।
