जीटीए सभासद पाल्देन तामाङ र गोर्खा स्वतन्त्र समूह भाजपामा सामेल

सांसद विष्टले भनेका छन्, आज, म यो कुरा साझा गर्न पाउँदा खुसी छु कि ३६ नम्बर निर्वाचन क्षेत्रबाट स्वतन्त्र जीटीए सभासद श्री पाल्देन तामाङ जी र गोर्खा स्वतन्त्र समूहको उनको टोलीले माननीय प्रधानमन्त्री श्री नरेन्द्र मोदी जीको नेतृत्वमा आफ्नो विश्वास व्यक्त गर्दै भाजपा परिवारमा सामेल भएको छ। भाजपा दार्जिलिङ जिल्ला अध्यक्ष श्री संजीव लामा जी र अन्य जिल्ला पार्टी नेताहरूको उपस्थितिमा पार्टीमा उहाँलाई स्वागत गर्न पाउँदा मलाई खुशी लाग्यो। कालिम्पोङमा हालै सम्पन्न चुनावी अभियानको क्रममा श्री पाल्देन तामाङ जी र उहाँको टोलीले हाम्रा उम्मेदवार श्री भरत छेत्री जीको विजयको लागि पूर्ण हृदयले काम गरेको अटुट समर्थन र अथक प्रयासको हामी गहिरो कदर गर्छौं। हाम्रा जनताको लागि न्याय सुनिश्चित गर्ने, उनीहरूको आकांक्षा पूरा गर्ने, हाम्रो क्षेत्रको विकास र प्रगति सुनिश्चित गर्ने हाम्रो साझा दृष्टिकोणमा उनीहरूको समर्पण, प्रतिबद्धता र विश्वासले हाम्रो सामूहिक अभियानलाई अझ बलियो बनाएको छ।कालिम्पोङका जनता र गोर्खा समुदायको राम्रो र उज्ज्वल भविष्य सुनिश्चित गर्न म उहाँ र उहाँको टोलीसँग नजिकबाट काम गर्न तत्पर छु। सँगै यो नयाँ यात्राको लागि मेरो शुभकामना।