दार्जीलिङ, 28 दिसम्बर (निस): लुइस जुबली परिसरमा सूचना एवं सांस्कृतिक विभाग गोर्खाल्यान्ड क्षेत्रीय प्रशासन अनि नेपाली अकादमी दार्जीलिङको संयुक्त आयोजनामा जातीय कवि अगमसिंह गिरीको 98औँ गिरी जयन्ती समारोह पालन गरियो।
उक्त समारोह अध्यक्ष गोर्खाल्यान्ड क्षेत्रीय प्रशासन सभा अञ्जुल चौहानको प्रमुख आतिथ्यमा सम्पन्न गरियो। उक्त समारोहमा विभागीय सभासद अनोस कुमार थापा कार्यकारी सभासद सूचना एवं सांस्कृतिक विभाग जीटीए, विमल राई सह-निर्देशक सूचना एवं सांस्कृतिक विभाग जीटीए, वरिष्ठ साहित्यकार भाषाविद डा. गोकुल सिन्हा, नेपाली साहित्य सम्मेलनका अध्यक्ष डा. सीके राई, नगरपालिका अध्यक्ष दिपेन ठकुरी लगायत विभागीय अधिकारीहरूको साथै प्रतिनिधिहरूको उपस्थिति अनि दार्जीलिङका गणमान्य व्यक्तित्वहरूको उपस्थितिमा उक्त कार्यक्रम सम्पन्न गरियो।
कार्यक्रमको प्रथम चरणमा उपस्थित प्रमुख अतिथि साथै विशिष्ट अतिथिहरूको बाहुलीबाट गिरीको सालिग अघि दीप प्रज्व लन गरिएपछि सूचना एवं सांस्कृतिक विभाग जिटीएका कलाकारहरूद्वारा प्रारम्भिक गीत नौलाख तारा उदायो गीत प्रस्तुत गरेपछि आयोजकको पक्षमा सहनिर्देशक भाषा अनुभाग विमल राईद्वारा उपस्थित सम्पूर्णमा स्वागत जनाउँदै आफ्नो स्वागत सम्बोधन प्रस्तुत गरे। समारोहको अर्को चरणमा कविहरू क्रमैले पवन महिमा नरेश कटवाल आरती गुरुङ अनि द्वारिका क्षेत्रीले कविताहरू प्रस्तुत गरेर सुनाएका थिए।
उक्त समारोहलाई सम्बोधनमा राख्दै जातीय कवि अगमसिंह गिरीका लेखकीय विषयमाथि भाषा साहित्यविद डा गोकुल सिन्हाद्वारा गहन वक्तव्य प्रस्तुत गरियो। यसै समारोह बीच गोरखल्यान्ड क्षेत्रीय प्रशासन द्वारा आधिकारिक रूपमा प्रत्येक वर्ष गर्दै आइरहेको जीटीए क्यालेण्डर-2026 को विमोचन उपस्थित प्रमुख अतिथि साथै विशिष्ट अतिथिहरूको बाहुलीबाट सम्पन्न गरिएपछि क्यालेन्डर विमोचन भएको घोषणा प्रमुख अतिथि अञ्जुल चौहानद्वारा गरियो।
कार्यक्रमको अर्को चरणमा कार्यकारी सभासद् अनोस थापाद्वारा समारोहलाई सम्बोधन गरेपछि प्रमुख अतिथि गोर्खाल्याण्ड क्षेत्रीय प्रशासन सभाका अध्यक्ष अन्जुल चौहानद्वारा गहन वक्तव्य प्रस्तुत गरियो। उक्त समारोहलाई मुकुन्द थापा अनि अनित खातीद्वारा सञ्चालन गरिएको थियो।
