दार्जीलिङ,21 दिसम्बर(निसं): भारतीय ट्रेल रनिङले एक ऐतिहासिक उपलब्धि हासिल गर्दै अन्तर्राष्ट्रिय ट्रेल रनिङ संघ (आइटीआरए)I-द्वारा सार्वजनिक गरिएको पछिल्लो 2025 र्याङ्किङ अनुसार दार्जीलिङको सुदुरवर्ती रिम्बिक-लोधोमा भेगका धावक हेमन्त लिम्बुले आधिकारिक रूपमा देशका सबैभन्दा छिटो एलिट ट्रेल धावकको स्थान सुरक्षित गरेका छन्। 807 अङ्कको परफर्मेन्स इन्डेक्स हासिल गर्दै लिम्बु यो उपलब्धि प्राप्त गर्ने पहिलो भारतीय खेलाडी बनेका छन्, जसले उनलाई विश्वका शीर्ष पर्वतीय धावकहरूको पंक्तिमा उभ्याएको छ।
832 -को श्रेणीगत सैद्धान्तिक अधिकतम स्कोरको तुलनामा मापन गरिएको लिम्बुको 807 अंक भारतीय एथलेटिक्सका लागि ठूलो उपलब्धि हो। विश्व स्तरमा उनी 14.65 लाखभन्दा बढी दर्ता भएका धावकमध्ये 1,758औँ स्थानमा छन्। एशियाली स्तरमा भने उनी करिब 3.5 लाख धावकमध्ये 167औँ स्थानमा उक्लिएका छन्, जसले युरोप र उत्तर अमेरिकाको वर्चस्व रहेको यस खेलमा भारतलाई नयाँ शक्तिशाली प्रतिस्पर्धीका रूपमा स्थापित गरेकोछ।
हेमन्तको उपलब्धि व्यक्तिगत जित मात्र होइन, भारतीय ट्रेल रनिङ समुदायका लागि निर्णायक क्षण हो, राष्ट्रिय ट्रेल सर्किटका एक प्रतिनिधिले भने।
विश्व एथलेटिक्सद्वारा मान्यता प्राप्त आइआरटीए परफर्मेन्स इन्डेक्समा 800 अङ्कको सीमा पार गर्नु,यो प्रमाण हो कि भारतीय धावकहरू पर्वतीय रेसिङको उच्चतम प्राविधिक स्तरमा प्रतिस्पर्धा गर्न सक्षम छन्।
आइआरटीए परफर्मेन्स इन्डेक्स (0-1000) एक जटिल मापदण्ड हो, जसले दूरी, उचाइ वृद्धी , समुद्री सतहदेखि उचाइ र ट्रेलको प्राविधिक कठिनाइलाई समायोजन गर्दै धावकको गति मूल्याङ्कन गर्छ।
लिम्बुको र्याङ्किङ हिमालय र अन्य चुनौतीपूर्ण भूभागहरूमा निरन्तर उच्च गतिको प्रदर्शनको परिणाम हो, जसमा हालैका द बुद्धा ट्रेल्स र गोएछाला ट्रेल रनमा उनका विजयहरू प्रमुख छन्।
हेमन्त लिम्बुको 2025 सालका र्याङ्किङका मुख्य तथ्यांकहरूमा परफर्मेन्स स्कोर 832 (एलिट स्तर), परफर्मेन्स इन्डेक्स 807 (एलिट स्तर), भारत र्याङ्किङ 1 (एलिट स्तर), एशिया र्याङ्किङ 167 औँ (349,17 मध्ये) तथा विश्व र्याङ्किङ 1,758 औँ (1,464,337 मध्ये) सामेल छन।
लिम्बुको उपलब्धिले विश्व ट्रेल रनिङको परिदृश्यमा परिवर्तनको संकेत गर्छ, जहाँ भारत युटीएमबी (अल्ट्रा–ट्रेल द्यु मोन्ट–ब्लाङ्क) जस्ता प्रतिष्ठित अन्तर्राष्ट्रिय प्रतिस्पर्धामा छनोट हुन र कडा प्रतिस्पर्धा गर्न सक्षम शीर्ष स्तरीय खेलाडी उत्पादन गर्ने नयाँ देशका रूपमा उदाएको छ।
स्मरण रहोस् अन्तर्राष्ट्रिय ट्रेल रनिङ संघ आइटीआरए ट्रेल रनिङको विकासका लागि अग्रणी विश्वव्यापी संस्था हो। यसको परफर्मेन्स इन्डेक्स 14 लाखभन्दा बढी खेलाडीहरूको मूल्याङ्कन गर्ने आधिकारिक र्याङ्किङ प्रणाली हो र यसलाई विश्व एथलेटिक्सले खेलको मानक प्रणालीका रूपमा मान्यता दिएको छ।
लिम्बुले गत 2022 सालदेखि देश- विदेशमा आयोजित ट्रेल दौडहरूमा दौडी रहेको छन् भने उनी कोच तथा मेन्टर मोडगिया शेर्पाको निगरानीमा ट्रेनिड लिई रहेको छन् साथै उनी गोर्खा ट्रैल रनर गोर्खा कलबको सद्स्य हुन् ।
