खरसाङ, 9 अक्टोबर (निसं): भएको छ। खरसाङ नगरपालिका प्रसासनिक बोर्डका अध्यक्ष वृगेन गुरुङले यसको जानकारी गराएका छन्। तिनले खरसाङ शहरी क्षेत्रको फोहोर-मैला लगिने सुन्तले पाखाको बाटो धेरै स्थानमा विगतको भारी वर्षाको कारण भत्किएको, ठाउँ-ठाउँमा पैह्रो आएर बाटोमा ढुंगा-माटो थुप्रिएकोले शहरको फोहोर-मैला उठाउन नसकिएको बताउदै गत पाँच अक्टोबरदेखिनै स्क्याभेटर लगाएर युद्ध स्तरमा कार्य गर्दै बाटोमा झरेको पैह्रो सोहोरेर, खाल्डाहरू पुरेर गाड़ी चलाउन सकिने अवस्थामा ल्याइएकोले शुक्रवारदेखि खरसाङ शहरको विभिन्न स्थानमा थुप्रिएको फोहोर-मैला उठाएर सुन्तलने पुऱ्यउने कार्य आरम्भ गरिने बताए। तिनले भने, विगतको भारी वर्षामा पहाड़को विभिन्न स्थानमा पैह्रो जानुका साथै खरसाङ नगरपालिका क्षेत्रको फोहोर-मैला लगिने सुन्तले पाखा जाने बाटो विभिन्न ठाउँमा भत्किएको थियो, विभिन्न ठाउँमा पैह्रो झरेर बाटोमा ढुंगा-माटो थुप्रिएकोले बाटो बन्द थियो। हामीले निरन्तर काम गरेर, बाटो खोल्ने कार्यको आफै उपस्थित रहेर निरीक्षण गरेर बाटो खोलाउने कार्य गरेका छौँ। निरन्तर प्रयासको फलस्वरुप बिस्तारै गाड़ी चल्न सक्ने अवस्थामा बाटो ल्याएका छौँ। हामी शुक्रवारदेखि खरसाङ शहरी क्षेत्रको विभिन्न स्तानमा थुप्रिएको फोहोर-मैला उठाउन शुरु गर्नेछौँ। स्मरण गराइन्छ, गत 4 अक्टोबरको भारी वर्षापछि सुन्तले क्षेत्रको बाटो भत्किएको र ठाउँ-ठाउँमा पैह्रो झरेकोले खरसाङ नगरपालिका क्षेत्रको फोहोर-मैला फाल्न लगिएको छैन। जसको कारण शहरको विभिन्न स्तानमा फोहोर-मैलाको थुप्रो लागेर बसेको छ। थुप्रिएको फोहोर-मैला कुहेर कतिपय स्थानमा व्यापक दुर्गन्ध फैलिरहेको छ। यसो हुँदै कतिपयले नगरपालिका फोहोर-मैला प्रबन्धनमा चुकेको आरोप समेत लगाइरहेका छन्। मानिसहरूले फोहोर-मैला थुप्रिएको स्थानबाट पार गर्दै नगरपालिकाको खोइरो खन्ने कार्य गरिरहेका छन्। शुक्रवादेखि खरसाङ शहरी क्षेत्रमा थुप्रिएको फोहोर-मैला उठाउ आरम्भ गरिएपछि नगरवासीले ठूलो राहतको अनुभव गर्नेछन्। नगरपालिका प्रशासनिक बोर्डका अध्यक्ष वृगेन गुरुङले प्राकृतिक प्रकोपको कारण बाटो भत्किएर, बाटोमा पैह्रो झरेर बन्द भएपछि नगरपालिका क्षेत्रको फोहोर-मैला सुन्तले लैजान नसकिएकोमा खेद प्रकट गर्दै यस परिस्थितिमा नगरवासीले बुझेर सहयोग गरिदिएकोमा धन्यवाद पनि दिएका छन्।
अमेरिकामा बेचिएका धेरै आइफोन भारत निर्मित
admin
August 2, 2025
