खरसाङ,
(निसं): गुरुङ जातिले जनजातिको दर्जा प्राप्त नगरेसम्म अखिल भारतीय गुरुङ तमु बौद्ध संगठनले कार्य गरिरहने र यसको निम्ति गुरुङहरू एकमुष्ट रहनु पर्ने संगठनका केन्द्रीय समिति अध्यक्ष आनन्द तमुले बताएका छन्। तिनले अखिल भारतीय गुरुङ तमु बौद्ध संगठनको माध्यमबाट गुरुङहरूले दीर्घ दिनदेखि संघर्ष गर्दै आएको भए तापनि अहिलेसम्म जनजातिको दर्जा प्राप्त गर्न नसकेकोमा खेद प्रकट गरे। तथापि तिनले यो संघर्ष आगामी दिनमा पनि जारी रहने बताउदै सबै यसको निम्ति अघि आउन पर्ने बताए। तिनले हालैमा डुवर्सको दलगाउँमा सम्पन्न भएको संगठनको त्रैमासिक सभामा यस्तै निर्णय गरिएको पनि जनाएका छन्। दिनले दिएका जानकारी अनुसार संगठनका त्रेमासिक सभामा तिनकै अध्यक्षतामा दलगाउँको सार्वजनिक भवनमा सम्पन्न भयो। संगठनका उपसभापति विजय गुरुङ, केन्द्रीय समिति महासचिव कलावती गुरुङ, कालेबुङ जिल्ला समितिका सभापति केशव गुरुङ, मूलसचिव भीम गुरुङ, खरसाङ महकुमा सभापति खुश बहादुर गुरुङ, कार्यकारिणी समिति सदस्य उत्तम गुरुङ, रतन गुरुङ, केन्द्रीय समिति प्रचार सचिव अजय गुरुङ, डुवर्सको महकुमा समितिका प्रचार प्रसार सचिव मिलन गुरुङ, चारखोल गुम्बाका सभापति रेकमान गुरुङ, गुम्बा सञ्चालन समितिका सचिव दिपेन गुरुङ, माङ्पङ शाखाका सभापति चन्द्रप्रकाश गुरुङ, केन्द्रीय समितिका सदस्यहरू, रोङ्गो, दलगाउँ-45, झोलुङ, गैरीबासका प्रतिनिधिहरू उक्त सभामा उपस्थित थिए। दलगाउँ शाखाका सचिव शेरशाह गुरुङले स्वागत भाषण राखेका उक्त सभामा केन्द्रीय समिति महासचिव कलावती गुरुङले सचिवको प्रतिवेदन प्रस्तुत गर्दै गुरुङ समुदायले कसरी ओबीसी प्रमाण पत्र प्राप्त गर्ने भन्ने विषयमा विस्तार पूर्वक जानकारी गराएकी थिए। कालेबुङ जिल्ला समितिका मूल सचिव भीम गुरुङले गुरुङ समुदायको संस्कृति-संस्कारको बारेमा वक्तव्य राखेका थिए। चारखोल गुम्बाका रेकमान गुरुङले गुरुङ गुम्बाहरूको संरक्षण र सम्बर्द्धन गर्न आवश्यक रहेको सभामा बताएका थिए। तिनले आगामी गुरुङ अधिवेशनको औचित्यबारे पनि सभामा प्रकाश पारेका थिए। गुरुङ भाषा विद उमा गुरुङले गुरुङ भाषालाई कसरी जीवित राख्न सकिन्छ भन्ने बारेमा बताएकी थिइन्। खरसाङ महकुमा समितिका सभापति केबी गुरुङ, सिलगुडी महकुमा समितिका सचिव सुमेस गुरुङ, डुवर्सका मिलन गुरुङ, गोरुबथानका प्रमेश गुरुङले आ-आफ्नो प्रतिवेदन पेश गरेका थिए। रोङ्गो शाखाका सचिव जय कुमार गुरुङले सभाको सञ्चालन गरेका थिए।
अमेरिकामा बेचिएका धेरै आइफोन भारत निर्मित
admin
August 2, 2025
